समाचार

बैतडीको पाटनमा प्रहरी कर्मचारी सवार जिप दुर्घटना हुँदा ६ जनाको मृत्यु भएको छ। मतपेटिका पुर्‍याएर फर्किने क्रममा जिप दुर्घटनामा परेको हो।

धनुषा ३ मा मतगणना सुरु भएको छ। सात सय मत गणना हुँदा नेकपा एमालेकी जुलीकुमारी महतोले सुरुवाती अग्रता लिएकी छन्।

कास्की २ वडा नम्बर १५ को कोलपाटन बुथको ९०० मत गनिसक्दा प्रतिनिधिसभामा राष्ट्रिय स्वतन्त्र पार्टीका माधव कँडेलको अग्रता कायमै छ।

सिन्धुपाल्चोकका दुवै निर्वाचन क्षेत्रमा मतगणना सुरु भएको छैन।

बैतडीमा प्रहरी सवार जिप दुर्घटनामा परेको छ। दशरथचन्द राजमार्गअन्तर्गत पाटन नगरपालिका-४ निङलाडी खोला भन्ने स्थानमा से१ज ८५४ नम्बरको जिप दुर्घटनामा परेको हो।

नेकपा एमाले गोरखाका विभिन्न मतदान केन्द्रमा धाँधली भएको भन्दै पुन: चुनाव गराउन माग गरेको छ।

कतारमा आइतबारदेखी सुरु भएको विश्वकपमा आज राति तीन खेल हुँदैछ। आज हुने पहिलो समूह 'बी'को बलियो टोलि इङगल्यान्डले एशियाली टिम इरानविरुद्ध खेल्दै छ। कतारको खलिफा अन्तराष्ट्रिय रंगशालामा ६:४५ बजेबाट यी...

मोरङका तीन क्षेत्रको मतगणनाका लागि सर्वदलिय बैठक बस्दै छ।

भक्तपुर २ मा नेपाली कांग्रेसका दुर्लभ थापाले सुरुवाती अग्रता लिएका छन्।

काठमाडौंमा गएराति भएको छुट्टाछुट्टै दुर्घटनामा दुई जनाको ज्यान गएको छ।

बैतडी पाटन ४ थुममा नेपाल प्रहरी सवार जीप दुर्घटना भएको छ। मतपेटिका जिल्ला सदुर्मुकाम पुगाएर पाटन फर्किंदै गरेको जीप दुर्घटना भएको हो।

मुस्ताङमा नेपाली कांग्रेसको अग्रता कायमै राखेको छ। पछिल्लो प्राप्त विवरण अनुसार नेपाली कांग्रेसका योगेश गौचन थकालीले २६१ मतले अग्रता लिएका छन्।

बाजुरामा कांग्रेसका कार्यकर्ताको कुटपिटबाट अनेरास्ववियुका नेताको ज्यान गएको छ। त्रिबेणी नगरपालिका-७ का अनेरास्ववियुका केन्द्रीय सदस्य चेतन अयडीको कांग्रेस कार्यकर्ताको कुटपिटबाट मृत्यु भएको हो।

चितवन क्षेत्र नम्बर २ को मतगणना दिउँसो १ बजेबाट शुरू हुने भएको छ।

प्रतिनिधि सभातर्फ ललितपुर क्षेत्र नम्बर २ मा मतगणनाको सुरुवाती चरणमा नेकपा एमाले र हाम्रो नेपाली पार्टी (लौरो) बीच प्रतिस्पर्धा देखिएको छ।

मुलुककै तेस्रो अन्तर्राष्ट्रिय विमानस्थलका रूपमा रहेको पोखरा क्षेत्रीय अन्तर्राष्ट्रिय विमानस्थलमा मङ्सिर ५ गते सोमबारदेखि यान्त्रिक परीक्षण उडान ‘क्यालिब्रेसन फ्लाइट’ सञ्चालन हुँदै छ।

आइतबार सम्पन्न प्रतिनिधिसभा तथा प्रदेशसभा निर्वाचनको मतगणना आज बिहानदेखि सुरु भएको छ।

विश्वकपका लागि क्वालिफायरका खेलहरु नेपालले पनि खेलेको थियो। तर नेपाल सुरुआति दोस्रो चरणबाटै बाहिरयो। दशरथ रंगशाला तयार नभएका कारण नेपालले कुनै पनि घरेलु खेल नेपालमा खेल्न पाएन।

कास्की २ मा जारी मतगणनाको पछिल्लो अपडेट प्राप्त भएको छ। सो क्षेत्रमा राष्ट्रिय स्वतन्त्र पार्टीका माधवप्रसाद कँडेलले अग्रता लिएका छन्।

काठमाडौं १, २, ३ ५ र ९ मा सोमबार बिहानबाट मतगणना हुने भएको छ।