समाचार

सप्तरी क्षेत्र नम्बर २ मा जनमत पार्टीका सिके राउतले फराकिलो सुरुवाती अग्रता लिएका छन्।

प्रतिनिधिसभा निर्वाचन २०७९ को पहिलो मतपरिणाम आएको छ। एकमात्र निर्वाचन क्षेत्र रहेको मुस्ताङमा नेपाली कांग्रेसका उम्मेदवार निर्वाचित भएका हुन्।

भक्तपुर क्षेत्र नम्बर २ मा सदर र बदर मतको विषयमा विवाद हुँदा मतगणना रोकिएको छ।

काठमाडौं निर्वाचन क्षेत्र नम्बर १ मा मतगणना जारी छ। ११ बजेसम्म प्राप्त मतपरिणामअनुसार नेपाली कांग्रेसका उम्मेदवार प्रकाशमान सिंहले अग्रता लिइरहेका छन् भने राप्रपाका उम्मेदवार रवीन्द्र मिश्रले उनलाई पछ्याइरहेका छन्।

नवलपरासी (बर्दघाट–सुस्तापूर्व) को निर्वाचन क्षेत्र नम्बर १ मा पर्ने देवचुली नगरपालिका–४ मा मतदान जारी छ।

मोरङका तीन क्षेत्रको मतगणना दिउँसो १ बजेदेखि सुरु हुने भएको छ। क्षेत्र नम्बर ४, ५ र ६ को मतगणना दिउँसो १ बजेदेखि सुरू गर्ने निर्णय सर्वदलीय बैठकले गरेको हो।

कतारमा जारी फिफा विश्वकप फुटबल २०२२ प्रतियोगिता अन्तर्गत आज तीन खेल हुँदैछ। कतार विश्वकप फुटबलमा समूह ‘ए’ अन्तर्गत एक खेल हुनेछ भने समूह बीमा दुई खेल।

तेह्रथुम जिल्लाको छथर गाउँपालिका वडा नम्बर १ आङ्दिम वडा कार्यालय भवन मतदान केन्द्रमा पुन: मतदान हुने भएको छ।

डडेल्धुराको मतगणना अझै सुरु हुन सकेको छैन।

कास्की क्षेत्र नम्बर-२ मा प्रतिनिधि सभा सदस्यका लागि जारी मतगणनामा राष्ट्रिय स्वतन्त्र पार्टीले अग्रता कायम राखेको छ।

मधेस प्रदेशका जिल्लामा आइतबार सम्पन्न प्रतिनिधिसभा तथा प्रदेशसभा सदस्य निर्वाचनको मतगणना प्रक्रिया सुरु भएको छ।

बाँके जिल्ला निर्वाचन क्षेत्र नम्बर ३ को मतगणना सुरु भएको छ। सर्वदलीय सहमतिका आधारमा मतगणना सुरु थालिएको हो।

प्रमुख प्रतिपक्षी नेकपा एमालेले ललितपुरका तीन वटै क्षेत्रमा सुरुवाती अग्रता लिएको छ। ती स्थानमा सत्ता गठबन्धनका उम्मेदवार पछि परेका छन्।

झापा क्षेत्र नम्बर २ को पहिलो मतपरिणाम सार्वजनिक हुँदा एमालेले अग्रता लिएको छ।

रुपन्देही क्षेत्र नम्बर २ को मतगणना बिहान ११ बजेबाट सुरु हुने भएको छ।

काठमाडौं हिजो आइतबार सम्पन्न प्रतिनिधिसभा र प्रदेशसभाको निर्वाचन अन्तर्गत आज बिहानदेखि केही क्षेत्रमा मतगणना सुरु भएको छ।

काठमाडौं निर्वाचन क्षेत्र नम्बर १ को मतगणना सुरु भएको छ।

गुल्मी क्षेत्र नम्बर २ मा पनि मतगणनाको तयारी थालिएको छ।

काठमाडौं क्षेत्र नम्बर ७ को मतगणनाको प्रारम्भिक नतिजामा राष्ट्रिय स्वतन्त्र पार्टीका गणेश पराजुलीले अग्रता लिएका छन्। उनले १७७ मतसहित अग्रता लिएका हुन्।

प्रतिनिधि सभा र प्रदेश सभा निर्वाचन अन्तर्गत गुल्मी जिल्लामा स्थगित भएको मतदान केन्द्रमा मंगलबार पुनः मतदान हुने भएको छ।