सुरु भएन डडेल्धुराको मतगणना

काठमाडौं- डडेल्धुराको मतगणना अझै सुरु हुन सकेको छैन। परशुराम नगरपालिकाका मतपेटिका संकलन हुन बाँकी रहेकाले मतगणना सुरु गर्न ढिलाइ भएको प्रमुख जिल्ला अधिकारी मोहनराज जोशीले बताए।

उनले मतपेटिकामा पुग्ने क्रम जारी रहेको बताएका छन्। मतपेटिका पुग्ने वित्तिकै सर्वदलीय बैठक बसेर मतगणना सुरु हुने बताइएको छ।

मतगणना मुख्य निर्वाचन अधिकृतको कार्यालयसमेत रहेको जिल्ला अदालतमा हुनेछ।

डडेलधुरामा प्रधानमन्त्री एवम् नेपाली कांग्रेसका सभापति शेरबहादुर देउवा, एमालेको समर्थन पाएका नेपाली कांग्रेस बीपीका कर्णबहादुर मल्ल, जसपाका श्याम सिनाल, राप्रपाका गोविन्द खडायत, स्वतन्त्र उम्मेदवार सागर ढकाल र विक्रमबहादुर शाही लगायत उम्मेदवार छन्।