भक्तपुर २ मा विवाद : रोकियो मतगणना

काठमाडौं- भक्तपुर क्षेत्र नम्बर २ मा सदर र बदर मतको विषयमा विवाद हुँदा मतगणना रोकिएको छ।

आज बिहान साढे २ बजेदेखि जारी मतगणना विवादका कारण केही बेरदेखि रोकिएको निर्वाचन अधिकृत लोकनाथ पराजुलीले बताए। ४ मंसिरमा भक्तपुर २ मा ९१ हजार ९११ मतदातामध्ये ६५ हजार ७७५ मत खसेको थियो। 

भक्तपुर २ मा नेपाली कांग्रेसका दुर्लभ थापा, एमालेका महेश बस्नेत, जनता समाजवादीका दिलबहादुर तामाङ, राप्रपाका मोहन केसी, नेपाल मजदुर किसान पार्टीका अनुराधा थापा मगर रहेका छन्।

प्रारम्भिक मत गणनामा कांग्रेसका थापाले अग्रता लिएका छन्। थापाले २ हजार २३० मत पाउँदा एमाले उम्मेदवार महेश बस्नेतले १ हजार ६३२ र राप्रपाका मोहन केसीले १२३ मत पाएका छन्।