ललितपुरका तीन वटै क्षेत्रमा एमालेलाई अग्रता

काठमाडौं- प्रमुख प्रतिपक्षी नेकपा एमालेले ललितपुरका तीन वटै क्षेत्रमा सुरुवाती अग्रता लिएको छ। ती स्थानमा सत्ता गठबन्धनका उम्मेदवार पछि परेका छन्।

ललितपुर-१ मा एमालेका नवराज सिलवाल ६६७ मतसहित अग्रस्थानमा छन्। नेपाली कांग्रेसका उदयशमशेर जबराले ४०१ र राष्ट्रिय स्वतन्त्र पार्टीका सचीनकुमार घिमिरेले ९३ भोट प्राप्त गरेका छन्।

ललितपुर २ बाट उम्मेदवारी दिएका एमालेका प्रेमबहादुर महर्जनको एक हजार ३१७ मत छ। दोस्रो स्थानका हाम्रो नेपाली पार्टीका सुदिन शाक्यको एक हजार ९७ मत छ। यस्तै‚ राप्रपाका बुद्धरत्न महर्जन ७९० मत सहित तेस्रो स्थानमा छन्।

ललितपुर–३ मा एमालेका अमृत खड्काले ५१३ मत ल्याएका छन्। स्वतन्त्र राष्ट्रिय पार्टीकी डा. तोसिमा कार्कीको ४९८ र सत्ता गठबन्धनबाट उम्मेदवार रहेकी नेकपा माओवादीकी उम्मेदवार पम्फा भुसालले २९६ मत ल्याएकी छन्। सबै स्थानमा मतगणना जारी रहेको छ।