कास्की- २ मा राष्ट्रिय स्वतन्त्र पार्टीका कँडेललाई पछ्याउँदै एमालेकी भट्टराई

काठमाडौं- कास्की २ मा जारी मतगणनाको पछिल्लो अपडेट प्राप्त भएको छ। सो क्षेत्रमा राष्ट्रिय स्वतन्त्र पार्टीका माधवप्रसाद कँडेलले अग्रता लिएका छन्। उनलाई नेकपा एमालेकी विद्या भट्टराईले पछ्याइरहेकी छन्।

कँडेलले १६२ मत प्राप्त गर्दा एमालेकी भट्टराईले १२२ मत प्राप्त गरेकी छन्। यस्तै नेकपा एकीकृत समाजवादीका श्रीनाथ बरालले ११० मत ल्याएका छन्।

२०७४ को निर्वाचनमा यस निर्वाचन क्षेत्रबाट एमालेका रवीन्द्र अधिकारी निर्वाचित भएका थिए। उनको निधनपछि भएको उपनिर्वाचनमा अधिकारी पत्नी विद्या भट्टराई निर्वाचित भएकी थिइन्।