समाचार

चितवनको क्षेत्र नम्बर ३ का बाम लोकतान्त्रिक गठबन्धनका साझा उम्मेदवार भोजराज अधिकारीले मतदान गरेका छन्।

नेपाली कांग्रेसका केन्द्रीय सदस्य नैनसिंह महरले मतदान गरेका छन्।

प्रतिनिधिसभामा रूपन्देही क्षेत्र नम्बर २ का गठबन्धनका उम्मेदवार राष्ट्रिय जनमुक्ति पार्टीका कार्यकारी अध्यक्ष केशव बहादुर थापा सूर्यवंशीले बुटवल-८ स्थित सडक डिभिजन कार्यलयमा मतदान गरेका छन्।

माओवादी केन्द्रका अध्यक्ष पुष्पकमल दाहाल प्रचण्डले प्रधानमन्त्रीको नाममा गठबन्धन जारी रहने दाबी गरेका छन्।

युवा तथा खेलकुद मन्त्री महेश्वर गहतराज (अथक)ले मतदान गरेका छन्।

प्रमुख निर्वाचन आयुक्त दिनेशकुमार थपलियाले प्रदेश तथा प्रतिनिधिसभा चुनावमा मतदान गर्नका लागि एक जनालाई करिब २ मिनेट लाग्ने बताएका छन्।

प्रतिनिधिसभा तथा प्रदेशसभाका नयाँ सदस्य चुन्न देशभर मतदान सुरू भएको छ। आइतबार बिहान ७ देखि मतदान सुरु भएको हो। मतदान बेलुकी ५ बजेसम्म जारी रहने निर्वाचन आयोगले जनाएको छ।

कतारमा आजदेखि फुटबलको विश्वव्यापी मेला फिफा विश्वकप सुरु हुँदैछ। बेलुकी ९:१५ मा अल बेत रंगशालामा भव्यताका साथ विश्वकपको उद्घाटन समारोह हुनेछ।

नेकपा माओवादी केन्द्रका अध्यक्ष पुष्पकमल दाहाल प्रचण्डले मतदान गरेका छन्।

प्रतिनिधि तथा प्रदेश सभा निर्वाचनका लागि सुदूरपश्चिममा १६ लाख ५६ हजार चार मतदाताले आज मतदानमा भाग लग्न पाउने छन्।

नेकपा माओवादी केन्द्रका अध्यक्ष पुष्पकमल दाहाल प्रचण्ड मतदान गर्नका लागि चितवन पुगेका छन्।

प्रधानमन्त्री तथा नेपाली कांग्रेसका सभापति शेरबहादुर देउवाले मंसिर ४ गते हुने निर्वाचनमा डडेलधुरा गन्यापधुरा गाउँपालिका–१, रुवाखोलास्थित असिग्राम मावि मतदान केन्द्रमा मतदान गर्ने भएका छन्।

आज देशभर प्रतिनिधि र प्रदेशसभाको निर्वाचन हुँदै छ। मतदान गर्न जाँदा मतदाता परिचयपत्र देखाउनुपर्ने हुन्छ।

आज देशभर प्रतिनिधि र प्रदेशसभाको निर्वाचन हुँदै छ। बिहान ७ बजेदेखि साँझ ५ बजेसम्मका लागि मतदानको समय तोकिएको छ।

सरकारले चुस्त सुरक्षा प्रबन्ध रहेकाले आइतबारको निर्वाचनमा ढुक्कका साथ मतदान कार्यमा सरिक हुन आह्वान गरेको छ।

त्रिभुवन अन्तरराष्ट्रिय विमानस्थलबाट आन्तरिकतर्फ चार्टर उडान मात्रै हुने विमानस्थल कार्यालयले बताएको छ।

सडक सञ्जालले नछोएको गुर्जा म्याग्दी जिल्लाकै विकट ठाउँ हो। जनकल्याण माविको मतदान केन्द्रमा सात सय ५४ मतदाता छन्।

सिरहाको मिर्चैया नगरपालिकाको जंगल क्षेत्रमा पर्ने कमल दह नजिक धुर्मी खोला किनारमा प्रहरीले दुई थान भरुवा बन्दुक बरामद गरेको छ।

कृष्णनगर नगरपालिका–४ मा रहेको गणेश आधारभूत विद्यालय बालानगर 'ख' केन्द्रका मतदान अधिकृत वेदप्रसाद पन्थीलाई जिम्मेवारीबाट हटाइएको निर्वाचन अधिृकत प्रकाश मरासिनीले जानकारी दिए।

बदर नहुने गरी मतदान गर्न आयोगले मतदातामा आग्रह गरेको छ।