माधव नेपाल र भारतीय विदेश सचिव क्वात्राबीच भेटवार्ता

काठमाडौं– दुई दिने नेपाल भ्रमणमा रहेका भारतीय विदेश सचिव विनयमोहन क्वात्राले नेकपा एकीकृत समाजवादीका अध्यक्ष माधवकुमार नेपालसँग भेटवार्ता गरेका छन्।

सोमबार काठमाडौं आएका क्वात्राले मंगलबार बिहान नेपाल निवास कोटेश्वर पुगेर भेटवार्ता गरेका हुन्। 

क्वात्राले सोमबार राष्ट्रपति विद्यादेवी भण्डारी, प्रधानमन्त्री पुष्पकमल दाहाल ‘प्रचण्ड’, परराष्ट्रमन्त्री विमला राई पौड्याल, नेपाली कांग्रेसका सभापति शेरबहादुर देउवा र नेकपा एमालेका अध्यक्ष केपी शर्मा ओलीसँग भेटघाट गरेका थिए। 

दुई देशको परराष्ट्रसचिवस्तरीय बैठकमा सहभागी हुन काठमाडौं आएका क्वात्राले राजनीतिक दलका प्रमुखसँग भेटवार्ता गरिरहेका छन्।