एकीकृत समाजवादी छोडेकी लिमा भइन् रास्वपाकी केन्द्रीय सदस्य

काठमाडौं- नेकपा एकीकृत समाजवादी छाडेर लिमा अधिकारी राष्ट्रिय स्वतन्त्र पार्टी प्रवेश गरेकी छन्। मोरङकी उनलाई सोमबार राष्ट्रिय स्वतन्त्र पार्टीले केन्द्रीय सदस्य मनोनीत गरेको छ।

लिमा पूर्वअर्थमन्त्रीसमेत रहेका नेकपा एमालेका नेता स्वर्गिय भरतमोहन अधिकारीकी छोरी हुन्। लिमा गत मंसिर ४ को चुनावमा एकीकृत समाजवादीबाट खस-आर्य महिलातर्फ समानुपातिक उम्मेदवार थिइन्।

पुराना दलबाट मुलुकको विकास, समृद्धि, रोजगारी, स्वास्थ्य र शिक्षा लगायतको ग्यारेन्टी नहुने देखेपछि आफू रास्वपामा सक्रिय भएको लिमाले बताएको उनको सचिवालयले जानकारी दिएको छ।

उनी पछिल्लो समय भरतमोहन अधिकारी फाउण्डेशनमार्फत समाज सेवामा सक्रिय पनि थिइन्।