सुदूरपश्चिमको मुख्यमन्त्रीमा कांग्रेसका शाह नियुक्त, सपथ भोली

काठमाडौं- सुदूरपश्चम प्रदेशको मुख्यमन्त्रीमा कमल शाल नियुक्त भएका छन्। संविधानको धारा १६८ को उपधारा २ बमोजिम नेकपा एमालेका तर्फबाट मुख्यमन्त्री चयन भएका राजेन्द्रसिंह रावलले प्रदेशसभाबाट विश्वासकोमत नपाएपछि संविधानको धारा १६८ को उपधारा ३ बमोजिम ठूलो दलको हैसियतले  कांग्रेस प्रदेश संसदिय दलका नेता कमल शाहले मुख्य मन्त्रीमा दावी पेश गरेका थिए।

शाहले गरेको दावी पेश अनुसार सुदूरपश्चिम प्रदेशका प्रदेश प्रमुख देवराज जोशीले उनलाई मुख्यमन्त्रीमा नियुक्त गरेका हुन्।

शाहलाई प्रदेश प्रमुख देवराज जोशीले मुख्यमन्त्रीमा नियुक्त गरेका हुन्। आज बेलुकी मुख्यमन्त्रीमा नियुक्त भएका शाहले भोलि पद तथा गोपनीयताको सपथग्रहण गर्ने कार्यक्रम रहेको प्रदेश प्रमुखको कार्यालयले जनाएको छ।