ओलीको बोलीमा रामहरिको आपत्ति– बार्दलीमा ल्याएको कार्यक्रमलाई संसद्‍मा प्रस्तुत नगरियोस्

काठमाडौं– नेपाली कांग्रेसका सांसद रामहरि खतिवडाले नेकपा एमालेका सांसद केपी ओलीको भनाइमा नियमापत्ति जनाएका छन्। पूर्वप्रधानमन्त्री तथा नेकपा एमालेका अध्यक्षसमेत रहेका ओली रोष्ट्रममा बोलिरहँदा खतिवडाले आफ्नो आशनबाट उठेर आपत्ति जनाएका हुन्।

ओलीले सरकारले हालै ल्याएको साझा नीति तथा कार्यक्रमबारे व्यख्या गरिरहँदा खतिवडाले उठेर भने– मेरो आपत्ति प्रतिनिधिसभा नियमावली २०२५  को २६ अनुसार छ। पूर्वप्रधानमन्त्रीज्यूले बोल्ने क्रममा न्यूनतम साझा कार्यक्रमबारे बोल्नुभयो। यो सदन चलेको दिनदेखि न्यूनतम साझा कार्यक्रमबारे जानकारी गराइएको छैन। कुनै बार्दलीबाट ल्याएको कार्यक्रम संसदमा प्रस्तुत नगरियोस्।’