राष्ट्रिय सभा उपाध्यक्षमा माओवादीकी उर्मिलाको उम्मेदवारी, कांग्रेसको पनि साथ

काठमाडौं- राष्ट्रिय सभाको रिक्त उपाध्यक्ष पदमा नेकपा माओवादी केन्द्रकी स्थायी समिति सदस्य उर्मिला अर्यालले उम्मेदवारी दिने भएकी छन्।

राष्ट्रिय सभा उपाध्यक्षमा नेपाली कांग्रेसले उम्मेदवारी नदिने निर्णय गरेपछि उनी सम्भवत: निर्विरोध निर्वाचित हुने सम्भवना छ।

माओवादी पार्टीको संसदीय दलको बैठक साढे १२ बजे बस्दैछ। दिउँसो पौने २ बजेसम्म माओवादीले उम्मेदवारी दर्ता गर्ने तयारी गरेको छ।

उनी गत वर्ष माघ १२ गते भएको राष्ट्रिय सभा निर्वाचनअन्तर्गत मधेश प्रदेशमा महिलातर्फ विजयी भएकी थिइन्।