कांग्रेस संसदीय दलको बैठक सुरु

काठमाडौं- नेपाली कांग्रेसको संसदीय दल कार्यसमितिको बैठक सुरु भएको छ। पार्टी सभापति शेरबहादुर देउवाको आह्वानमा बैठक सुरु भएको हो।

देउवा निवास धुम्बाराहीमा चलिरहेको बैठकमा संसदीय दलका नेता, प्रमुख सचेतक र महामन्त्रीलगायत सहभागी छन्।

बैठकमा राष्ट्रिय सभा उपाध्यक्ष उम्मेदवारबारे छलफल भइरहेको हो। राष्ट्रियसभा उपाध्यक्षका लागि यही माघ २३ गते निर्वाचन हुँदैछ।

तत्कालीन उपाध्यक्ष शशीकला दाहालको कार्यकाल २०७८ फागुन २० मा सकिएपछि रिक्त पदमा एक वर्षपछि निर्वाचन हुन लागेको हो।