प्रधानमन्त्रीलाई भेट्न बालुवाटार पुगे रवि लामिछाने

काठमाडौं- राष्ट्रिय स्वतन्त्र पार्टीका अध्यक्ष रवि लामिछाने प्रधानमन्त्री पुप्पकमल दाहाल प्रचण्डलाई भेट्न बालुवाटार पुगेका छन्। 

सर्वोच्च अदालतले रवि लामिछानेको नागरिकता अवैध ठहर गर्दै सांसद पद खारेज गरिदिएपछि उनको उपप्रधान तथा गृहमन्त्री पद गुमेको थियो। त्यसपछि आइतबार जिल्ला प्रशासन कार्यालय काठमाडौं पुगेर लामिछानेले नागरिकता लिइसकेका छन्।

उनको सांसद पद गुमेसँगै चितवनको क्षेत्र नम्बर २ मा उपनिर्वाचन हुने भएको छ। उपनिर्वाचन हुने भए पनि मिति भने तय भइसकेको छैन।

नागरिकता लिएसँगै रवि पुन: गृहमन्त्री बन्ने सोचमा छन्। तर, माओवादीभित्र अब रविलाई गृहमन्त्री दिन नहुने आवाज उठ्न थालेको छ। यहीबीच रवि प्रधानमन्त्री प्रचण्डलाई भेट्न बालुवाटार पुगेका हुन्।