रविको नागरिकता प्रकरणको फैसला मुलुकमा न्याय नमरेको प्रमाण : कांग्रेस नेता कोइराला

काठमाडौं– रवि लामिछानेको नागरिकता प्रकरणबारेको फैसलाले देशमा कानुनी राज्य छ भनेर उदाहरण देखाएको कांग्रेस नेता डा. शेखर कोइरालाले बताएका छन्।

शनिबार विराटनगरमा आयोजित कांग्रेस निकट नेपाल प्रेस युनियन प्रदेश १ को प्रथम प्रदेश अधिवेशन उद्घाटन अवसरमा नेता कोइरालाले यस्तो बताएका हुन्।

लामिछानेले गृहमन्त्री पदको दुरुपयोग गरी आफ्ना पक्षमा सम्पूर्ण राज्य संयन्त्र प्रयोग गरे पनि सर्वोच्च अदालतले न्याय सम्पादनमा निष्पक्षता देखाएको उनको भनाइ छ। 

मुलुकबाट न्याय मरिसकेको भनेर न्यायालयप्रतिको घट्दो विश्वासलाई सर्वाेच्चले गरेको फैसलाले विश्वासको सञ्चारमा मद्दत पुगेको नेता कोइरालाले बताए।

कांग्रेस ठूलो पार्टी भएकाले कुनै पनि बेला सरकारको नेतृत्व गर्न सक्ने दाबी नेताको कोइरालाको छ।

आगामी राष्ट्रपति निर्वाचनमा उम्मेदवार खडा गर्न पार्टीभित्र बहस भइरहेकाले छिट्टै नाम अगाडि सारिने उनले जानकारी दिए।