उपसभामुखमा विषयमा छलफल गर्न कांग्रेस पदाधिकारी बैठक बस्दै

काठमाडौं- उपसभामुखको उम्मेदवार चयन गर्नका लागि नेपाली कांग्रेसले पदाधिकारी बैठक बोलाएको छ।

आज उपसभामुखका लागि मनोनयन गर्न संसद सचिवालयले समय निर्धारण गरेको छ। सोही प्रयोजनका लागि उम्मेदवारी दर्ता गर्न कांग्रेसले उम्मेदवार टुङ्ग्याउन लागेको हो।

बैठक बिहान १० बजेका लागि धुम्बाराहीस्थित सभापनि शेरबहादुर देउवा निवासमा बोलाइएको हो। कांग्रेसले पहिले उपसभामुख पदका उम्मेदवारी कुन दलबाट दिने भन्ने विषयमा निर्णय लिने जनाइएको छ। किनकि विपक्षी गठबन्धनमा कांग्रेससहित नेकपा एस, लोसपा पनि छ।

सभामुखमा कांग्रेसबाट ईश्वारी न्यौपान उम्मेदवार बनेकी थिइन्। आज मनोनयन दर्तापछि भोलि शनिबार उपसभामुखको निर्वाचन हुँदैछ।