लुम्बिनीका मुख्यमन्त्री गिरीले पाए विश्वासको मत

काठमाडौं– लुम्बिनी प्रदेशका मुख्यमन्त्री लीला गिरीले प्रदेशसभाबाट विश्वासको मत पाएका छन्। बिहीबार प्रदेशसभाको प्रथम अधिवेशनको चौथो बैठकमा मुख्यमन्त्री गिरीले विश्वासको मत लिएका हुन्।

प्रदेशसभामा कायम कुल ८७ मध्ये ५७ सांसदले गिरीको पक्षमा मतदान गरे भने विपक्षमा २८ मत परेको थियो। मुख्यमन्त्री गिरीलाई एमालेका २८, माओवादी केन्द्रका १०, राप्रपा र नागरिक उन्मुक्ति पार्टीका ४–४, जसपा, लोसपा र जनमतका ३–३ र नेकपा एकीकृत समाजवादीका १ र स्वतन्त्र २ सांसदसहित ५७  सदस्यले पक्षमा मतदान गरेका थिए।  विपक्षमा कांग्रेसका २७ र राष्ट्रिय जनमोर्चाको एक गरी २८ मत परेको हो।