उपसभामुखको निर्वाचन ७ माघमा

काठमाडौं– आगामी ७ माघमा संघीय प्रतिनिधिसभाको उपसभामुखका लागि निर्वाचन हुने भएको छ। बिहीबार बसेको सदनको बैठकमा सभाका ज्येष्ठ सदस्य पशुपतिशमशेर राणाले उपसभामुखको निर्वाचनको मितिबारे जानकारी दिएका हुन्। 

ज्येष्ठ सदस्य राणाले उपसभामुखको निर्वाचनको तालिका सार्वजनिक गर्न पनि संसद् सचिवालयलाई निर्देशन दिए। आज सदनले नयाँ सभामुखका रुपमा एमाले नेता देवराज घिमिरेलाई निर्वाचित गरेको छ।