'कांग्रेसले सरकार चलाउन नपाए पनि सदन चलाउन पाउनुपर्छ'

काठमाडौं– नेपाली कांग्रेसका महामन्त्री एवम् सांसद विश्वप्रकाश शर्माले सहिदहरू र प्रथम जननिर्वाचित प्रधानमन्त्री विपी कोइराला, सन्त नेता कृष्णप्रसाद भट्टराई र नेपालका विभिन्न भूभागलाई सम्झँनै संसद्मा पहिलो सम्बोधन गरेका छन्।

उनले सबै भूगोललाई बुझेकी कांग्रेसकी सांसद ईश्वरी न्यौपानेलाई सभामुखमा प्रस्ताव गर्न चाहेको बताए। संविधान निर्माण गर्दै न्यौपानेले महत्त्वपूर्ण भूमिका निर्वाह गरेको उनले स्मरण गरे। प्रधानमन्त्रीलाई विश्वासको मत दिए पनि उनले कांग्रेस प्रमुख प्रतिपक्षको भूमिकामा रहेको प्रस्ट पारेका छन्। शक्ति सन्तुलनको हिसाबले पनि कांग्रेसको सभामुखमा दाबी स्वाभाविक भएको र सबैको साथ पाउने उनले विश्वास व्यक्त गरे।

सबैभन्दा ठूलो दलले मुलुक चलाउन पाउने भए पनि विभिन्न कारणले त्यो हुन नसकेको अवस्थामा शक्ति सन्तुलनका लागि कांग्रेस उम्मेदवार न्यौपानेलाई सभामुखमा विजयी गराउन उनले आग्रह गरे।