कांग्रेस संसदीय दलको बैठक बस्दै, सभामुखको उम्मेदवार तय गर्ने

काठमाडौं- नेपाली कांग्रेसले संसदीय दलको बैठक बोलाएको छ। आज दिउँसो १ बजे सिंहदरबारमा बस्ने गरी बैठक बोलाइएको हो।

बैठकले सभामुख निर्वाचनका लागि उम्मेदवार तय गर्नेछ। कांग्रेसले सभामुखमा महिला उम्मेदवार बनाउने तयारी गरेको छ। बुधबार बिहान बसेको पार्टी पदाधिकारी बैठकमा यसबारे छलफल भएको थियो।

अम्बिका बस्नेत, ईश्वरी न्यौपाने र सरिता प्रसाईंमध्ये एक उम्मेदवार बन्ने सम्भावना छ। यसबारे औपचारिक निर्णय संसदीय दलको बैठकले गर्नेछ। 

सभामुखको निर्वाचनका लागि उम्मेदवारी दर्ता आज दिउँसो १ देखि अपराह्न ४ बजेसम्मलाई तोकिएको छ। मतदान भने बिहीबार हुनेछ।