माओवादीले टुंग्यायो तीन मन्त्रीको नाम

काठमाडौं- नेकपा माओवादी केन्द्रले सरकारमा जाने तीन नयाँ मन्त्रीको नाम टुंग्याएको छ।

माओवादी स्रोतका अनुसार सञ्चार तथा सूचना प्रविधि मन्त्रालयको जिम्मेवारीमा रेखा शर्मा नियुक्त हुने भएकी छन्।

संस्कृति, पर्यटन तथा नागरिक उड्डयन मन्त्रीमा सुदन किराँती राई र संघीय मामिला तथा सामान्य प्रशासन मन्त्रीमा अमनलाल मोदी नियुक्त हुने भएको माओवादी स्रोतले जनाएको छ। 

सत्तारुढ गठबन्धनमा माओवादीको भागमा चार मन्त्रालय परेका छन्। यसअघि नारायणकाजी श्रेष्ठ उपप्रधान तथा भौतिक पूर्वाधार मन्त्री बनिसकेका छन्।