प्रचण्ड र ओलीको ‘लञ्च मिटिङ’

काठमाडौं- प्रधानमन्त्री पुष्पकमल दाहाल ‘प्रचण्ड’ एमाले अध्यक्ष केपी शर्मा ओली भेट्न भक्तपुरस्थित ओली निवास बालकोट पुगेका छन्। मन्त्रिपरिषद्को पूर्णता, सभामुख चयनलगायतका विषयमा छलफल गर्न प्रधानमन्त्री प्रचण्ड अध्यक्ष ओलीलाई भेट्न बालकोट पुगेका हुन्। 

ओलीको सचिवालयले यतिबेला दुई नेताबीच वान टु वान कुराकानी भइरहेको जनाएको छ। प्रधानमन्त्रीले आज बालकोटमै लञ्च गर्ने छन्। 

मन्त्रालय भागबण्डा मिलाएर सरकारलाई पूर्णता दिने तयारीमा दुवै नेताले गृहकार्य गरिरहेका छन्। दुई नेताबीच भागबन्डामा सहमति जुटे आजै मन्त्रिपरिषद्लाई पूर्णता दिने तयारी छ।