आज बेलुकीसम्म मन्त्रिपरिषद्ले पूर्णता पाउँला?

काठमाडौं- प्रधानमन्त्री पुष्पकमल दाहाल प्रचण्डले आज  बेलुकासम्म मन्त्रिपरिषद्लाई पूर्णता दिने तयारी गरेका छन्।

शनिबार प्रधानमन्त्री निवास बालुवाटारमा विभिन्न सञ्चारमाध्यमका सम्पादकसँग कुरा गर्दै उनले सात दलबीच कुनै विवाद नरहेको दाबी गर्दै आइतबार बेलुकासम्म मन्त्रिपरिषद्लाई पूर्णता दिने तयारी गरिएको बताएका थिए।

आइतबार बेलुकासम्म मन्त्रिपरिषद्लाई पूर्णता दिने र सोमबारको मन्त्रिपरिषद् बैठक पूर्णरुपमा बस्ने तयारी गरेको प्रधानमन्त्रीको भनाइ थियो।

अहिलेसम्म तीन उपप्रधानमन्त्रीसहित ८ मन्त्री सरकारमा सहभागी भएका छन्।  चार मन्त्रीलाई भने अहिलेसम्म जिम्मेवारी तोकिएको छैन।