गठबन्धन सरकार राजनीतिको महाभूकम्प : वामदेव

काठमाडौं– राष्ट्रिय सभा सदस्य वामदेव गौतमले राजनीतिक दलहरुले गठबन्धन गरेर नागरिक स्वतन्त्रताको हनन गरेको बताएका छन्। पछिल्लो राजनीतिक परिस्थिति र गठबन्धन सरकार राजनीतिको महाभूकम्प भएको गौतमको टिप्पणी छ।  

शुक्रबार बसेको राष्ट्रिय सभाको बैठकको विशेष समयमा बोल्दै नेता गौतमले यस्तो बताएका हुन्। उनले भने, ‘गठबन्धन गरेपछि किन पार्टी चाहियो? २०७४ को निर्वाचन र हालै सम्पन्न निर्वाचनमा पनि गठबन्धन गरियो। यसले जनताले कुन दल र कस्ता एजेन्डालाई छनोट गर्ने भन्ने अधिकार हनन भएको छ।’ 

ठूला दलले गठबन्धन गर्दा नागरिक स्वतन्त्रताको अधिकार हनन भएको उनले दाबी गरे। सांसद गौतमले कांग्रेसले सरकारलाई विश्वासको मत दिएर प्रतिपक्षमा बस्ने निर्णय सकारात्मक रहेको बताए।