गण्डकीका मुख्यमन्त्री खगराजले पाए विश्वासको मत

काठमाडौं– गण्डकी प्रदेशका मुख्यमन्त्री खगराज अधिकारीले विश्वासको मत पाएका छन्। शुक्रबारको प्रदेशसभा बैठकमा मुख्यमन्त्री अधिकारीले ३१ सांसदको मत प्राप्त गरेका हुन्।

६० सदस्यीय गण्डकी प्रदेशसभामा विश्वासको मत दिने समय ५८ सांसद उपस्थित थिए। मुख्यमन्त्री अधिकारीले विश्वासको मतका लागि संसद्मा प्रस्ताव पेस गरेका थिए। उनले उक्त प्रस्तावमा भएको छलफलपछि मतदान प्रक्रियाबाट विश्वासको मत प्राप्त गरेका हुन्।