कांग्रेससँग विश्वासको मत माग्न प्रधानमन्त्री धुम्बाराहीमा

काठमाडौं- प्रधानमन्त्री पुष्पकमल दाहाल नेपाली कांग्रेसका सभापति शेरबहादुर देउवालाई भेट्न धुम्बाराही पुगेका छन्। भोलि मंगलबार संसद्‍बाट विश्वासको मत लिने प्रक्रियामा जान लागेका प्रधानमन्त्रीले कांग्रेसको मत माग्न देउवालाई भेटेका हुन्। 

धुम्बाराहीस्थित अस्थायी निवासमा बसिरहेका देउवासँग प्रधानमन्त्री दाहालले आफूलाई विश्वासको मत दिन आग्रह गरेको बताइएको छ। कांग्रेसले सरकारलाई विश्वासको मत दिने/नदिनेबारे मंगलबार निर्णय गर्ने भएको छ।