सांसदहरूलाई ओलीको अनुरोध- सरकार बन्न पाएको छैन बिगार्ने खेलतिर नलागौं

काठमाडौं- नेकपा एमालेका अध्यक्ष केपी शर्मा ओलीले सांसदहरुलाई सरकारलाई सहयोग गर्न अनुरोध गरेका छन्। एकतावद्ध भएर राष्ट्र निर्माणको काममा लाग्न उनले आग्रह गरे।

अहिले देशमा विभिन्न समस्याहरू रहेकोमा तिनको समाधानका लागि 'बन्न पाएको छैन बिगार्ने खेलतिर लाग्यौँ भने समयको बर्बादी हुन्छ,' उनले भने, 'चनात्मक ढंगले देश बनाउने काममा लागौं।' उनले देशमा अहिले भूमि, सुकुम्बासी, द्वन्द्वपीडित, गरिबीलगायतका थुप्रै समस्या रहेकोमा तिनको समाधानका लागि सबै मिलेर काम गर्नुपर्ने आवश्यकता रहेको बताए। 

उनले नवनियुक्त प्रधानमन्त्री पुष्पकमल दाहाल प्रचण्डलाई सरकारका लागि सहज परिस्थिति नभएकाले चुनौतीहरू भएको बताए। अहिलेको अवस्थामा अर्थतन्त्र गम्भीर अवस्थामा रहेकाले सरकारलाई चुनौतीपूर्ण रहेको टिप्पणी उनको थियो।