सुरु भयो संसद् अधिवेशन

काठमाडौं- प्रतिनिधिसभाको पहिलो अधिवेशन सोमबार सुरू भएको छ। काठमाडौंको नयाँ बानेश्वरस्थित संघीय संसद् भवनमा पहिलो अधिवेशनको पहिलो बैठकलाई सम्बोधन गर्दै प्रधानमन्त्री पुष्पकमल दाहाल प्रचण्डले नेपालको संविधानबमोजिम प्रतिनिधिसभाको दोस्रो कार्यकालका लागि पहिलो सम्बोधन गर्न पाउँदा गौरव महसुस भएको बताएका छन्।

उनले संसदलाई सम्बोधन गर्दै आफूहरू अहिले लोकतन्त्रको जगमा भएको प्रतिक्रिया दिएका छन्। यो जगका लागि हजारौंको बलिदान रहेको प्रचण्डले धारणा राखे। उनले सहिदका सपना पूरा गर्न आफू सधैं लागिपर्ने बताए।

ज्येष्ठ सदस्य पशुपतिशमशेर जबराको अध्यक्षतामा प्रतिनिधिसभाको बैठक शुरू भएको हो। गत मंसीर ४ गते प्रतिनिधि सभाको निर्वाचनबाट सम्पन्न भएको थियो।