सिंहदरबारमा प्रधानमन्त्री प्रचण्ड–नेता नेपालको भलाकुसारी

काठमाडौं– नेकपा माओवादी केन्द्रका अध्यक्ष एवं प्रधानमन्त्री पुष्पकमल दाहाल प्रचण्ड र नेकपा एकीकृत समाजवादीका अध्यक्ष माधवकुमार नेपालबीच सिंहदरबारमा भेटवार्ता भएको छ।

बुधबार सिंहदरबारमा प्रधानमन्त्री प्रचण्ड र नेकपा एसका अध्यक्ष नेपालबीच सरकारमा सहभागिताबारे कुरा भएको हो। प्रधानमन्त्री प्रचण्डको सचिवालयका अनुसार दुई नेताबीच समसामयिक राजनीतिक घटनाक्रमबारे कुराकानी भएको छ।

प्रधानमन्त्री प्रचण्डले २६ पुसमा विश्वासको मत लिँदै छन्। प्रधानमन्त्री प्रचण्डले नेता नेपाललाई  आफ्नो सरकारलाई समर्थन गर्न आग्रह गर्दै आएका छन्।