प्रधानमन्त्री प्रचण्ड चितवन जाने

चितवन- प्रधानमन्त्री पुष्पकमल दाहाल प्रचण्ड आज चितवन जाने भएका छन्। प्रधानमन्त्री प्रचण्ड एक विद्यालयको हिरक महोत्सवमा सहभागी हुन चितवन जाने भएका हुन्।

प्रधानमन्त्री भएपछि राजधानी बाहिरको पहिलो सार्वजनिक कार्यक्रममा आउन लागेका प्रधानमन्त्री प्रचण्डले भरतपुर वडा नं. १० मा रहेको नारायणी नमूना माध्यमिक विद्यालयको हिरक महोत्सव समारोहको उदघाटन गर्नेछन्।

बिहान ८:२० बजे उनी आउने भनिए पनि मौसम नखुलेको र हुस्सु लागेको कारणले केही ढिला हुने चितवन प्रहरी प्रमुख नवराज अधिकारीले जानकारी दिए।

प्रधानमन्त्रीले बिहान ११ बजे हिरक महोत्सवको उदघाटन गर्ने कार्यक्रम छ।