प्रचण्डलाई प्रधानमन्त्री बनाउन बहुमत सांसदको समर्थन

काठमाडौं– नेकपा एमालेसहितको समर्थनमा नेकपा माओवादी केन्द्रका अध्यक्ष पुष्पकमल दाहाल प्रचण्ड प्रधानमन्त्री बन्ने भएका छन्। बहुमत सांसदको समर्थन लिएर प्रचण्ड राष्ट्रपतिकहाँ जाने तयारीमा छन्।

एमाले अध्यक्ष केपी ओलीको निवास बालकोटमा भएको सहमतिअनुसार प्रचण्डलाई प्रधानमन्त्री बनाउने गरी पार्टीको समर्थनसहित शीतलनिवास जान लागिएको माओवादी नेता देव गुरुङले जानकारी दिए।

प्रचण्डलाई नेकपा एमाले, माओवादी केन्द्र, राष्ट्रिय स्वतन्त्र पार्टी, राप्रपा, जनता समाजवादी पार्टी र जनमत पार्टीको समर्थन रहने भएको छ। सरकार गठनका लागि १३८ जना सांसदको आवश्यकता पर्छ।