कांग्रेसका सांसदको माग, देउवाकै नेतृत्वमा नयाँ सरकार

काठमाडौं– नेपाली कांग्रेसका सांसदहरूले प्रधानमन्त्री शेरबहादुर देउवाकै नेतृत्वमा नयाँ सरकार गठन गरिनुपर्ने बताएका छन्। शनिबार प्रधानमन्त्री निवास बलुवाटार पुगेर प्रधानमन्त्री देउवालाई भेटेका सांसदहरुले यस्तो माग गरेका हुन्।

प्रतिनिधिसभाको सबैभन्दा ठूलो राजनीतिक दलको हैसियतले कांग्रेसकै नेतृत्वमा सरकार गठन हुनु स्वाभाविक हुने प्रधानमन्त्रीलाई भेटेकीे सांसद चन्दा चौधरीले बताइन्। जवाफमा प्रधानमन्त्री देउवाले सांसदले उठाएका मागलाई गम्भीरतापूर्वक लिँदै त्यसबारे जानकारी गराउने बताए। 

राष्ट्रपति विद्यादेवी  भण्डारीले नयाँ सरकार गठनका लागि राजनीतिक दलहरुलाई दाबी पेस गर्न दिएको समयसीमा आइतबार सकिँदै छ। प्रतिनिधिसभामा कांग्रेस ८९ सिटसहित ठूलो दल हो।