संसद् सचिवालयले बोलायो सर्वदलीय बैठक

काठमाडौं– संघीय संसद् सचिवालयले प्रतिनिधिसभामा प्रतिनिधित्व गर्ने राजनीतिक दलको बैठक आह्वान गरेको छ। सचिवालयले प्रतिनिधिसभाका ज्येष्ठ सदस्य पशुपतिशमशेर जबराको अध्यक्षतामा बस्ने गरी सर्वदलीय बैठक आह्वान गरेको हो।

बिहीबार दिउँसो १ बजे प्रतिनिधिसभा सदस्यलाई  शपथ गराउने कार्यतालिका छ। त्यसअगावै १२ बजे बस्ने गरी सर्वदलीय बैठक बोलाइएको हो। 

सर्वदलीय बैठकमा संसदमा प्रतिनिधित्व गर्ने १२ राजनीतिक दलका नेतालाई निम्तो गरिएको छ। प्रत्येक दलबाट १÷१ र ५ स्वतन्त्र सांसदलाई सर्वदलीय बैठकमा बोलाइएको छ।