कांग्रेस संसदीय दलको नेतामा उम्मेदवारी दिँदा ५१ हजार दस्तुर अनिवार्य

काठमाडौं– नेपाली कांग्रेसले आगामी ६ पुुसमा हुने संसदीय दलको नेतामा उम्मेदवारी दिनेले ५१ हजार शुल्क तोकेको छ। सोमबार कांग्रेसको निर्वाचन समितिले निकालेको निर्वाचन कार्यतालिकामा दलको नेतामा उम्मेदवारी दिन चाहनेले ५१ हजार शुल्क तिर्नुपर्ने सूचना निकालेको हो।

४ मंसिरको प्रतिनिधिसभा चुनावमा कांग्रेसले प्रत्यक्षतर्फ ५७ र समानुपातिकतर्फ ३२ सिट जितेको छ।

कांग्रेसभित्र संसदीय दलको नेता बन्न चाहने आकांक्षी संख्या लम्बेतान रहे पनि पार्टी सभापति शेरबहादुर देउवा र महामन्त्री गगन थापाबीच मुख्य प्रतिस्पर्धा हुने बताइन्छ। यद्यपि पार्टीभित्र सर्वसम्मत नेतृत्व चुनिने नेताहरुले बताउँदै आएका छन्। सोमबार बसेको कार्यसम्पादन समिति बैठकको निर्णयअनुसार कांग्रेसले दलको नेता छान्न निर्वाचन कार्यकतालिका सार्वजनिक गरेको छ।