पुनः मतदानको माग गर्दै झलनाथ खनाल सर्वोच्चमा

काठमाडौं– नेकपा एकीकृत समाजवादीका नेता झलनाथ खनालले इलाम क्षेत्र नम्बर १ मा पुनः मतदान गर्न माग गर्दै सर्वोच्च  अदालतमा रिट दायर गरेका छन्। 

निर्वाचन अधिकृतले घोषणा गरेको परिणाम बदर गरी पुनः मतदान गर्न माग गर्दै खनालको तर्फबाट रिट दायर भएको हो। 

चार मंसिरमा भएको निर्वाचनमा खनाल नेकपा एमालेका महेश बस्नेतसँग पराजित भएका थिए। बस्नेत २५ हजार ७५३ मत ल्याएर निर्वाचित हुँदा खनालले २३ हजार ८९ मत ल्याएका थिए।