माओवादी केन्द्रको बैठक बस्दै, चुनावी समीक्षा हुने

काठमाडौं- चुनावी समीक्षा गर्न नेकपा माओवादी केन्द्रको बैठक बस्ने भएको छ। महासचिव देव गुरुङले आज दिउँसो ३ बजे बैठक बस्ने जानकारी दिएका छन्।

भर्खरै सम्पन्न प्रतिनिधिसभा तथा प्रदेशसभा निर्वाचनको मतपरिणाम अन्तिम चरणमा पुगेसँगै माओवादी केन्द्रले चुनावी समीक्षा गर्ने भएको हो। दिउँसो ३ बजे पदाधिकारी बैठक बस्न लागेको महासचिव गुरुङले बताए।

माओवादी केन्द्रको पदाधिकारीमा २१ जना छन्। त्यसमध्येमा १० जना निर्वाचनमा भाग लिएका थिए। तीमध्ये ५ जना निर्वाचित हुँदा अन्य ५ जना पराजित भएका छन्।