एमालेको विजय जुलुसमा ढुंगामुढा

काठमाडौं– सुनसरीको दुहबीमा एमालेको विजय जुलुसमाथि ढुंगामुढा भएको छ। एमालेबाट प्रतिनिधिसभामा निर्वाचित भगवती चौधरी, प्रदेशसभा सदस्य रोहितबहादुर कार्कीको विजय जुलुसमाथि आक्रमण भएको हो। जुलुसमा ढुंगा प्रहार भएपछि दुहवी नगरपालिका–९ छाताबेलीमा झडप भएको छ।

ढुंगा लागेर एमाले कार्यकर्ता लालमोहम्वद रैन, कुर्वान मियाँ, तवरेज आलम घाइते भएका छन्। एक्कासि ढुंगामुढा भएपछि केही बेर सो क्षेत्र तनावग्रस्त बनेको प्रहरी नायब उपरीक्षक खगेन्द्र खड्काले बताए। घाइतको अहिले स्थानीय अस्पतालमा उपचार भइरहेको छ।

दुहबी ९ नम्बरका वडाध्यक्ष तथा सुनसरी ३ का क्षेत्रीय सभापति मेहदी हुस्सेनको घरनजिक पुगेको विजय जुलुसमाथि आक्रमण गरिएको एमालेले सुनसरीले बताएको छ।