रौतहट-४ मा लगातार दोस्रोपटक कांग्रेसका तिमिल्सिना विजयी

रौतहट- रौतहट-४ बाट प्रतिनिधि सभा सदस्यमा कांग्रेसका देवप्रसाद तिमिल्सिना निर्वाचित भएका छन्।

विजयी तिमिल्सिनाले ३४ हजार १ सय ६१ मत पाउँदा निकटतम प्रतिस्पर्धी एमाले उद्धवप्रसाद रेग्मीले २६ हजार ५ सय ५९ मत प्राप्त गरेका थिए। उनीहरूबीचको मतान्तर ७ हजार ६ सय २ छ। 

तिमल्सेना लगातार दोस्रोपटक रौतहट-४ बाट प्रतिनिधि सभा सदस्यमा निर्वाचित भएका हुन्। ०७४ को चुनावमा पनि तिमल्सेना प्रतिनिधिसभा सदस्यमा निर्वाचित भएका थिए। त्यसबेला तिमल्सेनाले २८ हजार ८२८ मत पाएर निर्वाचित हुँदा एमालेका वंशीधर मिश्रले २३ हजार ६ मत पाएका थिए।