रुपन्देही-४ बाट लोसपाले खाता खोल्यो, कांग्रेसका यादवसँग शुक्लाको बदला

बुटवल- लोकतान्त्रिक समाजवादी पार्टी (लोसपा)ले रुपन्देहीबाट प्रतिनिधि सभामा खाता खोलेको छ। 

उक्त क्षेत्रमा लोसपा नेता सर्वेन्द्रनाथ शुक्ला निर्वाचित भएका हुन्। 

नेपाली कांग्रेसका प्रमोद यादवलाई ५ हजारभन्दा बढी मतान्तरले पराजित गर्दै शुक्ला निर्वाचित भएका हुन्।

शुक्लाले २८ हजार मत पाउँदा कांग्रेसका यादवले २२ हजार ७०४ मत पाए। जनमत पार्टीका भोपेन्द्र यादवले १५ हजार ५२६ मत ल्याएका छन्।

२०७४ सालको निर्वाचनमा राष्ट्रिय जनता पार्टीबाट चुनाव लडेका शुक्ला कांग्रेसका यादवसँग नै चुनाव हारेका थिए।