प्रधानमन्त्री देउवाद्वारा मतदान

काठमाडौं- प्रधानमन्त्री शेरबहादुर देउवाले मतदान गरेका छन्।

बिहान १० बजे गन्यापधुरा गाउँपालिका-१ असिग्राम माद्यामिक विद्यालयमा रहेको मतदान केन्द्रमा उनले मतदान गरेका हुन्।

प्रधानमन्त्री देउवा सातौं पटक डडेल्धुराबाट प्रतिनिधि सभामा उम्मेदवार हुन्। मतदानपछि उनले लोकतन्त्रको सुन्दर पक्ष मतदानबाट आफ्नो प्रतिनिधि चुन्नु भएकाले सबैले आफ्नो मताधिकार प्रयोग गर्नुपर्नेमा  जोड दिए।