वर्षाले बिगारेको खेलमा दर्शक खुशी बनाउने जित

काठमाडौं- मंगलबार नेपाली महिला राष्ट्रिय फुटबल टिमले दशरथ रंगशालमा पहिलो पटक आधिकारिक प्रतियोगिता खेल्यो। फुटबलको धरोहर मानिने रंगशलामा मैत्रीपूर्ण मात्र खेलेको नेपाली महिला टिमले मंगलबार जितसहित साफ च्याम्पियनसिपको सुरुवात गरेको हो।

दीपा शाही, अमिषा कार्की र समीक्षा घिमिरेले डेब्यु गरेको खेलमा नेपालले भुटानलाई ४-० गोलले हराएको हो। ‘मिडफिल्ड डेब्यू गर्ने खेलाडी थिइन् दिपा शाही। उनीलगायत सरु र अनिता केसीको कम्बिनेसनमा समस्या होला कि भन्ने थियो। तर राम्रो भयो म खुसी छु। म त्यसमा नै धेरै केन्द्रित रहेको छु। यो जितले खुसी बनाएको छ,’ खेलपछि नेपाली टिमका मुख्य प्रशिक्षक कुमार थापाले भने।