टेलिभिजनमा 'डेब्यू' गर्ने तयारीमा रणवीर सिंह

काठमाडौं- अभिनेता रणवीर सिंह पहिलोपल्ट 'होस्ट' बनेर टेलिभिजनको पर्दामा देखिने भएका छन्। 'क्विज रियालिटी शो' होस्ट गर्ने तयारीमा रणवीर रहेको भन्दै दैनिक भाष्कर समाचार प्रकाशन गरेको छ। 

यो शोको फर्मेट अमितोभ बच्चनको शो ‘कौन बनेगा करोडपति’जस्तै हुने बताइएको छ। भारतीय मिडियाहरूमा यो खबर सार्वजनिक भइरहेपनि आधिकारिक रूपमा सार्वजनिक भने भएको छैन। 

यसैबीच रणवीर निर्देशक अलौकिक देसाइको फिल्म ‘सीता’मा रावणको भूमिका निर्वाह गर्ने चर्चा पनि चलिरहेको छ। यो फिल्ममा करिना कपुर र आलिया भट्ट पनि लिड रोलमा देखिँदैछन्।