भारतीय अभिनेता पी बालाचन्द्रनको निधन

मुम्बई- भारतीय अभिनेता तथा लेखक पी बालाचन्द्रनको निधन भएको छ। मलयालम अभिनेता बालाचन्द्रनको ६९ वर्षको उमेरमा सोमबार निधन भएको हो। 

केरलस्थित आफ्नै निवासमा उनको निधन भएको दैनिक भाष्करले उल्लेख गरेको छ। 

पछिल्ला ८ महिनायता उनको घरमा नै उपचार भइरहेको थियो। उनी म्यानेन्जाइटिसको समस्यासँग जुध्दै आएका थिए। 

सोमबार साँझ उनको अन्तिम संस्कार गर्ने बताइएको छ। 

बालाचन्द्रनका पत्नी, एक छोरा र एक छोरी छन्।