कोपा इटालिया : फाइनलमा नेपोलीले युभेन्ट्सको सामना गर्ने

कोपा इटालियाको फाइनल खेलमा साविक लिग विजेता युभेन्ट्सको सामना नेपोलीले गर्ने भएको छ। शनिबार राति सम्पन्न कोपा इटालियाको सेमीफाइनल खेलमा इन्टर मिलानसँग १–१को बराबरी खेल्दै नेपोली फाइनलमा पुगेको हो।

दोस्रो लिगको खेलमा बराबरी भए पनि ४ महिना अघिको पहिलो लेगको खेलको जितका आधारमा नेपोलीले फाइनलको यात्रा तय गरेको हो। पहिलो लेगको खेलमा नेपोलीले मिलानलाई १–०को गोलअन्तरले हराएको थियोे।

त्यसैले समग्रमा २–१को जितका साथ नेपोली फाइनलमा पुगेको हो। आगामी जुन १७ मा हुने कोपा इटालियाको फाइनलमा नेपोलीले १३ पटकको विजेतासँग उपाधिका लागि संघर्ष गर्ने छ।

एजेन्सी