कार्यव्यवस्था परामर्श समितिमा टुंगाइयो दलीय प्रतिनिधि संख्या

काठमाडौं– प्रतिनिधिसभाको कार्यव्यवस्था परामर्श समितिमा हुने दलीय प्रतिनिधित्वको संख्या टुंगो लगाउन राजनीतिक दलबीच सहमति जुटेको छ।

बुधबार सभामुख देवराज घिमिरेसँग भएको छलफलपछि राजनीतिक दलहरूले संख्या टुंगो लगाएका हुन्।सहमतिअनुसार सबैभन्दा ८८ सांसद रहेको कांग्रेसले ६ जना र ७९ सांसदको एमालेले ५ जना सदस्य पाउनेछ।

३२ सांसद भएको माओवादी केन्द्रले २, सभामुख देवराज घिमिरेले १, उपसभामुख इन्दिरा रानाले १, कानुन, न्याय तथा संसदीय मामिला मन्त्रीले १, राष्ट्रिय स्वतन्त्र पार्टी, राप्रपा, जसपा, नेकपा एस, जनमत पार्टी, लोसपा, नागरिक उन्मुक्ति र एकसिटे पार्टी वा स्वतन्त्रले समेत एक सिट नै पाउनेछन्। 

कार्यव्यवस्था परामर्श समितिमा २१ जना रहनेछन्। हाल कायम २७२ सांसदमध्ये प्रतिशतका आधारमा सदस्य बाँडफाँट गर्ने सहमति भएको हो।