चितवन-२ मा जगन्नाथको साथ रविलाई

काठमाडौं- स्थानीय निर्वाचनमा नेपाली कांग्रेसको निर्णयविरुद्ध भरतपुर महानगरपालिकाको मेयरमा उम्मेदवारी दिएका जगन्नथ पौडेलले उपनिर्वाचनमा भने रास्वपालाई समर्थन गर्ने भएका छन्।

कांग्रेसको पुराना नेतासमेत रहेका उनले चितवन क्षेत्र नम्बर-२ मा उपनिर्वाचनमा राष्ट्रिय स्वतन्त्र पार्टी (रास्वपा)लाई सहयोग गर्ने घोषणा गरेका हुन्।

देशमा रुपान्तरणका लागि उपयुक्त टिम र ऊर्जावान व्यक्तिको आवश्यकता भएको बताउँदै पौडेलले त्यसका लागि रास्वपा उपयुक्त पार्टी भएको बताए।

नेपाली कांग्रेसको तर्फबाट उक्त क्षेत्रमा पूर्व जिल्ला सभापति जीतनारायण श्रेष्ठलाई उम्मेदवार बनाएको छ।