एमाले उपनिर्वाचन लड्ने उम्मेदवारको टुंगो लगाउँदै

काठमाडौं- प्रमुख प्रतिपक्ष दल नेकपा एमालेले आसन्न उपनिर्वाचनमा चुनाव लड्ने उम्मेदवारको टुंगो लगाउने भएको छ।

आज पार्टीको सचिवालय बैठक बसेर उमेदवार टुंगो लगाइने उपमहासचिव विष्णु रिमालले जानकारी दिए।

उनका अनुसार शुक्रबारसम्म जिल्लाबाट आकांक्षीहरूको नाम सिफारिस भएको र आज बैठक बसेर उपनिर्वाचन हुन लागेका तीनै क्षेत्रमा उमेदवार तय गरिनेछ।

बारा क्षेत्र नम्बर–२, चितवन–२ र तनहुँ–१ मा आउँदो वैशाख १० गते उपनिर्वाचन हुँदै छ । त्यसका लागि यही चैत २० गते उमेदवारको मनोनयनपत्र दर्ता गर्ने निर्वाचन आयोगको कार्यतालिका छ।