संस्कृतिमन्त्री किरातीको भोगाइ– जहाँ छोयो, त्यही फाटेको छ देश

काठमाडौं– संस्कृति, पर्यटन तथा नागरिक उड्डयनमन्त्री सुदन किरातीले देश जहाँ छोयो, त्यहीँ नै फाटेको बताएका छन्।

सोमबार काठमाडौंमा आयोजित ६२औं रंगमञ्च दिवस अवसरमा आयोजित कार्यक्रममा मन्त्री किरातीले देश सोचेभन्दा फरक रहेको अनुभव सुनाएका हुन्।

१० वर्ष सांसद भइसक्दा पनि देशबारे सबै कुरा बुझेजस्तो अनुभव भए पनि मन्त्री भएर काम गर्दा सोचेभन्दा धेरै फरक पाएको उनको भनाइ छ।

‘देश जहाँ छोयो, त्यहीँ फाटेको छ। बनाउन सजिलो छैन। १० वर्ष सांसद भएर जति बुझेका थिएँ, बुझेजस्तो लाग्थ्यो, मन्त्री भएर कुर्सीमा आएर जे देखें, जे देख्दै छु, देश अर्कै रहेछ। म बस्ने कुर्सी आगोको हो। हामी फेल भए व्यवस्था पनि फेल हुन सक्छ,’ मन्त्री किरातीले भने।