शीतलनिवासमा खुवाइँदै तनहुँबासीलाई चिया 

काठमाडौं– तनहुँ स्थायी ठेगाना भएका राष्ट्रपति रामचन्द्र पौडेलले तनहुँबासीलाई चियापानका लागि शीतलनिवास बोलाएका छन्।

शुक्रबार राष्ट्रपतिले तनहुँबासीसँग भेट गर्न दिउँसो ३ देखि ५ बजेको समय छुट्याएको प्रेस संयोजक खिला कार्कीले बताएका हुन्। 

पौडेल गत ४ मंसिरका निर्वाचनमा कांग्रेसबाट तनहुँ २ मा निर्वाचित सांसदसमेत थिए। राष्ट्रपति निर्वाचित भएसँगै उनले दलीय आबद्धता त्यागिसकेका छन्।

राष्ट्रपति पौडेलले जिल्लाबासीसँगको भेटमा आफूलाई मत दिएर विजयी गराएकामा धन्यवाद दिन र उनीहरूको गुनासो सुन्नेछन्।