महाराजगञ्ज मेडिकल कलेजमा अनेरास्ववियुको प्यानल विजयी

काठमाडौं- महाराजगञ्ज मेडिकल कलेजमा अनेरास्ववियुको प्यानल नै निर्वाचित भएको छ। 

अनेरास्ववियुबाट सभापतिका उम्मेदवार आनन्दकुमार सिंह प्यानलसहित निर्वाचित भएका हुन्। सचिवमा विपना कँडेल र कोषाध्यक्षमा अनिल कुमार शाह निर्वाचित भएका छन्। 

सिंह ५८६ मतसहित विजयी हुँदा उनका प्रतिस्पर्धी नेविसंघ र अखिल क्रान्तिकारीको तर्फबाट संयुक्त उम्मेदवार बनेका अनिशिखा न्यौपानेले ५८४ मत पाइन्। सिंह २ मतान्तरले विजयी भएका हुन्। 

त्यस्तै सचिवमा कँडेल ६३८ मतसहित विजयी भइन्। कोषाध्यक्षमा ६२९ मत पाए।